۱۴۰۴/۰۸/۲۱
مقامات تاجیکستان در جریان سفر یک هیئت بلند پایه به شمال افغانستان اعلام کردند که هیچ گروه یا فردی از مخالفان حکومت طالبان اجازه فعالیت در خاک این کشور را ندارند.
به گزارش روزپلاس، هیئتی از مقامات تاجیکستان به ریاست معاون استان «ختلان» به ولایت قندوز در شمال افغانستان سفر کرده و با «حبیبالرحمان صهیب» معاون والی قندوز دیدار و گفتگو کرده است.
در این نشست، معاون استان ختلان با ابراز تمایل به گسترش همکاریهای دوجانبه، گفت: «دولت تاجیکستان به هیچ مخالف امارت اسلامی اجازه فعالیت در خاک خود نمیدهد و متعهد به حفظ روابط نیک با کابل است.»
وی افزود که دوشنبه خواستار تقویت روابط در زمینههای تجاری، اجتماعی و امنیتی است و کنترل مرزهای مشترک را برای امنیت منطقه حیاتی میداند.